S'importu de sa scola e is ocasiones mancadas...

Su tìtulu diat pòdere pàrrere banale. Fortzis ddu est, ma, comente  est bene fàghere semper, est mèllus non si firmare a su tìtulu. De istudiante in pessu chi "maduradu" potzo in fines fàghere unu relatu, in curtzu, de custu chi est istada pro mi l'iscola. Comente a ogni àteru istudiante, apo aspetadu cun ànsia sa fine de custu percursu (a tratos in pigada) emotzionante. Apo tentu sa possibilidade de mi pònnere in cara a ideas e pàrreres de is furriadas discordantes cun is meos, apo cambiadu s'ideologia "mia" in s'ùrtimu trienniu, gràtzias mescamente a carchi iscontru verbale mi so informadu semper prus e apo pòdidu achirire unu pagu  de cultura de sa terra mia. E est inoghe chi mi chergio soffermare, in sa cultura, in su connoschimentu de is pròpias raixinis. Pro ite in su tìtulu apo faeddadu de "ocasiones mancadas"? Tandu, in su tìtulu mi referia pròpiu a is ocasiones chi s'iscola sarda at pèrdidu (in manera voluntària o prus pagu) pro cantu riguardat su fàbricu de una cussèntzia in is piciocos. S'istùdiu mancadu de sa literadura nostra, de s'istòria nostra, de sa limba nostra ant batidu a un'impoberimentu de is mentes de is piseddos (mei cumprèndidu) chi non solu iscalabrat sa sìngula persone, ma sa comunidade intrea. Su problema prus mannu presente in Sardigna est pròpiu sa farta de una "cussèntzia natzionale" chi at batidu is sardos a atuare seberadas discutìbiles. Totu custu diat pòdere pàrrere unu minestrone de nudda, ma in realidade est totu collegadu. Is raixinis de custu grave problema istant pròpiu in s'iscola e in s'imparu, gestidas dae un'istadu coloniale chi at in manera deliberada eliminadu totu custu chi nche riguardat de is testos iscolàsticos, reduende·nche a pòpulu chi at semper e solu subidu dominatziones a banda de àteros. 
Ite si podet fàghere pro cambiare is cosas? S'idea mia est cussa de integrare a su clàssicu programma de sas letziones de istòria sarda (mancari in sardu) e in is autores sardos (Lussu no est presente nemmancu in is libros de testu) e literadura sarda. De su chi apo pòdidu notare medas dotzentes (de is iscolas primàrias e mèdias mescamente) istant giai faghende traballos de custu tipu, ma in medas s'agatant in dificultade mescamente a càusa de is tempos istrintos de s'iscola, ma fintzas de su pagu interessu ammustradu a banda de is alunnos matessi. A chini imbetzes diat bòlere istudiare a iscola carchi cosa a pitzu de sa Sardigna ma si bidet "blocadu" dae "tertzos", beh, s'ùnica cosa chi nche restat est s'informare in manera autònoma, chena lassare su programma iscolàsticu.
In is ùrtimos tres annos mi so informadu meda, e a sa fine apo detzìdidu de batire a sa maturidade una tesina a pitzu de s'istòria sarda, e no est dispraxida. 
P.s. in su benidore nde pòdere publicare carchi arrogu, mescamente cussas alas chi riguardant su giudicadu de Arborea...
Link pro sa versione in limba italiana: http://sardignaterranosta.blogspot.it/2017/07/limportanza-della-scuola-e-le-occasioni.html

     
                                                                                                                   
                                                                                                                                 Alessandro Boi