Pro sa primu borta dae candu est naschidu su blog "Sardinnia" ap'a bessirė dae is confinės natzionalės sardus pro chistionarė de 'su chi arriguardat sa democratzia in custa Europa.
Bògiu cumentzarė dae su discursu de s'indipendentzia de sa Catalunnia. In pagus fueddus, s'Ispannia est mostrendė a totu su mundu chi in sos organus uficialės est meda presentė una reixinė "franchista" (regimėnė de Francisco Franco fintzas a is annus '70). Madrid at decraradu ca su referendum catalanu est "anti costitutzionalė" proite andat a corfirė (colpire) is confinės de su rennu ispanniolu, e, mescamente, s'economia de cust'ùrtimu. In manera diferentė de comentė pensaia, in medas ant imbiadu messagius de bixinantzia a sa natzionė catalana, fintzas su presidentė de sa Sardinnia, Francesco Pigliaru. Abèrgiu una parèntesi pro narrėr duus fueddus a pitzu de custas decraratzionės. Is fueddus de Pigliaru andant benė pro sustennėr sa causa catalana, ma no andat lassadu perdėr su fatu ca fintzas s'istadu italianu, in sa costitutzionė sua, tenėt un'artìculu (su de 5) chi diat a blocarė unu referendum pro s'indipendentzia de cada tèrritoriu politicamentė italianu, e duncas b'at pagu de fàėr sa moralė a is àterus.
Bolendė sighirė su discursu subra sa democratzia in Europa, sceti su Rennu Unidu at dimustradu de èssėr prus abèrtu, a diferentzas de is àterus istadus (escludidus cussus chi deu dia definirė "de un'àteru praneta"), donendė sa possibilidadė siat a is iscotzesus siat a is inglesus de decidėr su benidorė issoru cun su votu.
Pro acabbarė, deu seu cun sa Catalunnia, ma no proite seu indipendentista, ma proite in giogu b'at sa libertadė de unu populu chi at traballadu meda pro otennėr is resurtadus chi at tentu, e chi meritat, a su mancu, sa possibilidadė de scioberarė su benidorė suu. Is sardus diant a depėr learė esempru dae is catalanus, chi si funt unidus pro una causa comune, chena is fèsserias chi partzint galu is partidus sardus.
Speremus de ligėr, su primu de Donniasanti, chi sa Catalunnia est rennessida a divenirė indipendente, e, mancari, fra chimbant'annus, de ddu podėr ligėr fintzas nois pro sa Sardinnia...
A mègius biėr!
Commenti
Posta un commento