Una de is cosas chi prus no m'andant est sa strumentalizatzionė de is mortos, mescamente cussos de sos conflitos mondialės de su sèculu coladu. S'ùrtimu a ddu fàėr est istadu Renato Soru, ex presidentė de sa Regionė Sardinnia e ex segretariu de su PD sardu. Custa sa decraratzionė: "i sardi sono morti al fronte per difendere Italia insieme a tutti gli altri". Deu mi pregonto, meda bortas, comentė si podent fàėr certos discursos galu, in su 2017. Est beru chi a milliaias sunt mortos in sa Prima e in sa Segunda Gherra Mondialė, ma, mescamente in sa prima, no si podėt nàrrėr de seguru chi is sardos sunt andados a mòrrėr pro defensarė s'unidadė italiana, antzis, si cuat sempėr su fatu ca is nostrus connatzionalės sunt istadus custrintos a gherrarė a su fronte, mortos pro unu stadu istrangiu. S'Italia, mescamente in sa Gherra Manna, at partecipadu pro interesses suos, casi fàendė una "gherra parallela" pro ammanniarė is confinės natzionalės. Unu contu est si is sardos aerėnt partecipadu comentė volontarios, ma aici no est istadu, duncas est ora de l'acabbarė de nàrrėr chi amus cumbatidu pro s'Italia. Is matessi chi narant custas cosa e chi fàėnt discursos unionistas si tenėnt meda atesu de nàrrėr totu, ais mai intendidu calincunu de custus nàrrėr, pro esempru, chi is sardos aiant gherradu pro defensarė s'indipendentzia, eja, ma cussa de s'isula nostra? S'arrespusta est, de seguru, no. Craramentė no ant a nàrrėr mai chi milli e milli sardos, in su passadu (sa "Battalla", pro learė unu scontru connotu, o fintzas sa sarda rivolutzionė commentzada defensendė s'isula dae is atacos frantzesos in su 1793) ant gherradu pro sa terra issoro, sinunca diat a ruėr totu su "casteddu de cartas" chi ant costruidu in sos ùrtimos de dexė annos. Torro a nàrrėr chi deu arrespetu TOTUS is mortos, e chi cussos chi no los arrespetant sunt is matessi chi strumentalizant gherras passadas pro interesses "privados".
Sceti una rivolutzionė culturalė diat a movėr is àcuas de custu stagnu...
Commenti
Posta un commento