Comente apo anticipadu, oe ap'a cumentzarė cun sa publicatzione de unos cantos àrticulos a pitzu de argumentos varios. Pro oė apo seberadu una cositedda pitica, una "pillola" de biologia: is interatzionės intre is microrganismos. A sighirė ap'a pònnėr àteros argumentos de àteras màterias, ma pro immoė chergio "testarė" sa bìdea noa.
A s'internu de unu ecosistema sos microrganismos donant logu a medas variedadės de raportos e assòcios, chi pòdėnt èssėr positivos e negativos. In sas interatzionės positivas agatamus su "commensalismu", uė no b'at cumpetitzionė intre is organismos: un'organismu nche guadangiat e s'àteru no nche perdėt nudda. Un'àtera forma de interatzionė positiva est su "mutualismu", ue totu e duas is alas in chistionė nche guadangiant in enèrgia.
In sas interatzionės negativas agatamus s'antagonismu, sa cumpetitzionė, sa predatzionė e su parasitismu. In s'antagonismu b'at un'organismu chi guadangiat enèrgia e unu chi ndė perdėt; in sa cumpetitzionė nemos ndė otenėt vantagiu; in sa predatzionė unu microrganismu bogat enèrgia a un'àteru e, pro ùrtimu, su parassitismu, uė unu organismu bivėt gràtzias a s'enèrgia "furada" a un'àteru organismu.
Parassitismu, mutualismu e commensalismu tenėnt in cumunu su fatu chi is microrganismos bivėnt in paris (simbiosi).
Su segamentu de custos raportos diat a distruėr s'ecosistema.
Fueddos disconnotos: ecosistema. Un'ecosistema est formadu dae una ala "biotica" (is individuos, s'ala bia) e dae un'ala "abiotica" (su logu in su calė, s'ala biotica, bivėt).
Totu su chi est scritu benėt dae apuntos personalės.
Commenti
Posta un commento