Cun custu post bos chergio presentarė una bìdea chi m'est bènnida castiendė is apuntos de scola de s'annu passadu. Mi soe naradu intre miė "proite no bortarė, a pagu a pagu, totu custas cosas in lìngua sarda?". Is cuardernos cuntenėnt casi totu is materias chi apo afrontadu in s'ùrtimu annu de scola superiorė, mescamente sa biologia, s'italianu e sa storia, cun cancunu riferimentu a àteras materias sèntificas e umanisticas (pro esempru s'inglesu). In sas diės a bènnėr ap-a comintzarė cun is bortaduras, e pagu a pagu ap'a pònnėr totu is post in un ùnicu "archiviu", pro facilitarė s'agatu de is varias màterias. Isco de no èssėr s'ùnicu a fàėr unu traballu de custu tipu, ma prus semus, mègius est! Sarvamus sa lìngua nostra in ònnia manera possibile, lassendė arrastu in ònnia logu, fàendė bìėr a sa gentė chi su sardu est una lìngua BIA.
Commenti
Posta un commento