Incuinamentu de s'àcua

In base a sa “gravidade”, bi sunt tres grados de incuinamentu:

-naturale (1°), s'àcua pròina batit sustantzias sospendidas in s'atmosfera o si imbrutat tochende sa terra;

-transitòriu (2°), is sustantzias àllenas no superant sa capatzidade de “autodepuratzione”;

-su de tres gradu, is sustantzias superant sa capatzidade de autodepuratzione.

ÀCUAS DE REFUDU

Custas sunt sas àcuas batidas in is impiantos de limpiadura (depuratzione) chi benint dae domoss isùladas, insediamentos urbanos e zonas industriales. Pigant in cunsideru:

-àcuas biancas, benint dae chelu, regollidas e iscarrigadas in sa fònnia (bassa in sa fueddada populare);

-àcuas nieddas, iscarrigos de is domos (vàrias);

-àcuas de refudu/industriales, benint dae is istabilimentos industriales e contenent sustantzias chimicas.

Sa cumpositzione de is àcuas de refudu est vària meda:

-cumponente organica, idrocarburos, ògios, grassos;

-cumponente inorganica, azotu, fosfuru, cloruru, cumpostos de su zulfu.

Sunt classificadas comente:

-licuidos tziviles (sustantzia organica e inorganica e detergentes);

-licuidos de origine animale;

-licuidos de origine agricola;

-licuidos industriales.

AUTOLIMPIADURA (autodepuratzione)

Is sustantzias organicas chi bi sunt in sos licuidos costituint su nutrimentu pro una variedade manna de microrganismos presentes in àcua.

Sa presèntzia de is microrganismos in s'abba donat una possibilidade de biodegradatzione de sa sustantzia organica chi nch'est in sos refluos cun mineralizatzione cumpleta (biodegradatzione acabada).

Is fatores limitantes printzipales sunt:

-disponibilidade de ossigenu, netzessaria pro sa depuratzione aeròbia (cun presèntzia de ossigenu) de is cumpostos organicos (ue s'àcua movet prus lestra b'est cuncentratzione prus manna de ossigenu);

-càricu organicu etzessivu favorit sa formatzione de biomassa chi spaciat in manera lestra s'ossigenu a disponimentu, sutraendeddu a sos pisches, creende, aici, un'ambiente chentza ossigenu, chi causat sa morte de is pisches;

-càricu de refluos chi cuntenent nitratos e fosfatos de origine agricola faent cummentzare fenomenos de eutrofizatzione. Custu fenomenu biet s'ammanniamentu de sas algas in sa superfitze de s'àcua, pro more de sa presèntzia etzessiva de nutrientes (Na, P, K) postos in s'ambiente marinu cun s'àcua contaminada. Creschet s'atividade baterica, creschet s'impreo de ossigenu, e che cunsighentzia printzipale agatamus sa morte de is pisches.